Satılır 10 otaqlı 73 m² obyekt Şabran

Əsas məlumatlar

Bakı şəhərindən 133 km məsafədə, şimal istiqamətində Azərbaycan-Rusiya sərhəddinin yaxınlığında Şabran rayonunun Gəndob kəndinin ərazisindən keçən Azərbaycan-Rusiya avtomagistral yolundan təqribən 10 metr aralıda torpaq sahəsi özəl mülkiyyətdə olan hasara alınmış 73 sot ərazidə yerləşən Kənd Təsərrüfatı Məhsullarının İstehsalı və Emalı Müəssisəsi satılır.
Ərazidə üzərində mülkiyyət hüquqları tanınmış hər birinin sahəsi 500 kv.m təşkil edən bir ədəd hündülüyü 23 metr olan istehsal sahəsi , bir mərtəbəli anbar binası, sahəsi 400 kv.m təşkil edən iki mərtəbəli +mansardlı qonqaq evi, birinci mərtəbəsində laboratoriya yerləşən sahəsi 163 kv.m təşkil edən iki mərtəbəli inzibati və qazanxana (50 kv.m) binaları,500 kub.m həcmində olan su anbarı və 500 kv.m ərazidə inşa edilmiş çardağın altında quraşdırılmış müxtəlif təyinatlı və həcmli palıd və emal çəlləklər mövcuddur.
Müəssisənin inşasına 2010-cu ildə başlanılıb və 2015 -ci ildə istifadəyə verilib. Müəssisənin istehsal gücü mövsüm ərzində 1500 ton üzüm məhsullarının qəbulu və emal edilməsi üçün nəzərdə tutulmuşdur. Müəssisədə Rusiya və Ukraynadan gətirilmiş müxtəlif istehsalat təyinatlı avadanlıqlar quraşdırılıb.
Müəssisənin fəaliyyəti üzüm məhsullarının qəbulu, onların emal edilməsi və müxtəlif tipli spirtli içkilərin istehsalı üçün nəzərdə tutulan xammalın hazırlanmasından (spirtin çəkilməsi yəni reaktifikasiya olunması və çəlləklərdə dincə qoyulması) ibarətdir.
İstehsalat binasında gələcəkdə müxtəlif növ spirtli içkilərin (konyak,şərab, araq) istehsalı üçün yeni xətlərin quraşdırılması üçün şərait mövcuddur.
İstehsal proseslərinin həyata keçirilməsi üçün müvafiq dövlət qurumlarından (Kənd Təsərrüfatı Nazirliyi, Qida Təhlükəsizliyi Agentliyi) icazə, sertifikat və şəhadətnamələr alınmışdır.
Müəssisədə təbii qaz, elektrik enerjisi, su, çirkab tullantılar üçün xətlər mövcuddur və kəsintisiz olaraq kommunal ehtiyacların ödənilməsi üçün bütün şərait yaradılmışdır.
Ərazi, istehsal sahələri və digər tikililər texniki şərtə uyğun olaraq 59.2 kv.t elektrik enerjisi ilə təmin olunmuşdur.
Torpaq sahəsinin və tikililərin mülkiyyətini təsdiq edən Çıxarışlar texniki pasportlar alınmışdır. Ərazidə bar verən 501 ədəd müxtəlif növlü(zeytun, xurma, alma, armud, fındıq, badam, nar və. s) ağacları və üzüm tingləri əkılmişdir.