Satılır 4 otaqlı 126 m² həyət evi Savalan

Əsas məlumatlar

Hər vaxtınız xeyir.
Xahiş edirəm ki, ətraflı oxuyun, zəng edib burada yazılanları təkrar soruşmayın.

Ev barədə məlumat:
Ev 3 (10m*30m) sot üzərində, 1 mərtəbəli olaraq tikilib. 7 daş kürsü, 23 daş ümumi hündürlük, tam qoşa daşdır. Evin hündürlüyü kifayət qədər yaxşıdır. Evin sahəsi çöldən 126m² - dir (14m*9m). 3 yataq otağı (bol işıqlı), bir böyük zal, böyük mətbəx, ayrı sanitar qovşaqlardan ibarətdir. Damın hündürlüyü də kifayət qədərdir. Yetişkin insan dama qalxıb ayaq üstə rahat gəzə bilir.

Təmir barədə məlumat:
Otaqlar və zalda pol döşənib, keyfiyyətli material istifadə olunub. Laklanmağı kifayət edər. Divarlara oboy, potoloka astar, üzlük vurulmalıdır. Təmirdən anlayışı olanlar, bunların bahalı proses olmadığını bilir.
Mətbəxin tam təmirə ehtiyacı var. Sanitar qovşaqlar da təmir olunmalıdır. Evin istilik sistemi üçün xəttlər gizli çəkilib. Radiatoru alıb quraşdırmaq lazımdır. Elektrik sistemi hər otaq üçün ayrıca idarə olunur. Plastik qapı və pəncərələr quraşdırılıb.

Torpaq sahəsi barədə:
Həyətdə bir sanitar qovşaq daha var. Su, qaz, işıq daimidir və kəsilmir. Əlavə olaraq su çəni də quraşdırılıb.
Həyətin bir hissəsi bağ sahəsi olaraq ayrılıb. Təəssüf ki, bağın daha yaxşı olduğu vaxtlardan şəkil qalmayıb. Bağ sahəsində tərəvəz və meyvələrdən kifayət qədər bol çeşid olub. Qara torpaq tökülüb. Hal hazırda şəkillərdən göründüyü kimi, baxımsızlıqdan heç biri qalmayıb. Həyət hissəsinə çox rahatlıqla 2 maşın yerləşir. 1.5 sot ərazi həyət olaraq qalır (Evin sol və arxası boyunca 1 m enlikdə yer saxlanıb - ümumi 24 m²). Evin ətrafında yaşayış var. Xəritədə seçilən yer dəqiq ünvandır, təsadüfi basılmayıb. Xahiş edirəm ki, xəritədən açıb təxmini yerinə baxasınız. Nəzərə alın ki, ev Hökümət evinin 30 metrliyində deyil. Hansısa xəstəxana, dövlət qurumu, hypermarketə yaxınlığı ilə ünvanı sizə aydınlada bilməyəcəyəm. Məktəbə, marketə yaxındır. Xəritədə məktəb olan yerə 139 nömrəli avtobus Koroğlu m/s - dan gəlir. Əsas yoldan ayrıldıqdan sonra evin yolunun 90% - i asfalt örtüyüdür.

Torpağın çıxarışı var və bizə aiddir. Hal hazırda evin çıxarışının alınması üçün icraya müraciət edilib, sənədlər baxılmaq üçün göndərilib. Dövlət rüsumundan kənar ödəniş etmək istəmirəm, ona görə də qanuni prosedurun gedişindən asılıyam. Evi alan şəxs istəyərsə özü bu məsələni tezləşdirə bilər.

Təkrar xahiş edirəm, eyni sualları vermək üçün zəng etməyin. Evin makler evi olmadığı açıq aşkar görünür. Özümüz üçün, kürsülü, sağlam, həm bağ, həm də ev kimi istifadə etməyə tikmişik. Ona görə də normal ev istəyən şəxslər narahat etsin, qiymət öldürmək istəyənlər yox. Onsuz da qiyməti tikilməsinə çəkilən xərclər və torpaq sahəsinin dəyərindən daha aşağı qoymuşam. Evin m²-i başlanğıc qiymətlə hələ 280 azn edir. Qalan təmirlə birlikdə, 380 azn olacaq ən çoxu (hər m² üçün 100 azn, 12600 azn edir, idealından təmir edə bilərsiniz). Ona görə də qiymət danışarkən, insafı əldən verməyin. İpotekaya girmək üçün satıram, bina evi lazımdır mənə, bunun üçün də ilkin ödəniş lazımdır. Qiymətdə razılaşacağam, son qiymət deyil, yazıb və ya yığıb təklifinizi edə bilərsiniz. Yığıb 5 minim var, qalanın 20 ilə verim deməyin. Qeyd etdiyim kimi, ehtiyacım var deyə satıram. Yoxsa 4-5 il də gözləyərəm, ərazi daha dəyərlənəndə 2 qat qiymətinə sataram ya təmirin bitirib girib yaşayaram. 25-26 min ilkin ödəniş edilsə, öz aramızda kredit də mümkündür.

Şəkillər ardıcıllıqla belədir:
• Ev öndən,
• Ev yandan,
• Zal,
• Zal,
• Zal,
• Yataq otağı 1,
• Yataq otağı 1,
• Yataq otağı 2,
• Yataq otağı 3,
• Koridor,
• Sanitar qovşaqlar,
• Mətbəx,
• Həyət.

Whatsappda yaza bilərsiniz, 22:00-a qədər zəng edə bilərsiniz. 1 faizlə razılaşacaq olan maklerlər zəng edə bilərlər. Evin yarı pulunu istəyənlər yox. 1 dəfə zəng etdiyiniz halda açmasam, təkrar zəng etməyin. Özüm mütləq geri yığacağam. Təşəkkür edirəm.