Satılır 6 otaqlı 210 m² bağ evi Sea Breeze Resort

Əsas məlumatlar

Ləişdə, dənizlə üz-bə üz 8-ci dalanda, (Sea Breezden 3-4 dəqiqə aralı) individual layihə üzrə inşa edilmiş, fərdi ev satılır.
Xahiş edirəm satış məqsədi ilə tikilmiş evlərlə müqayisə etməyin, öz ailəmiz üçün tikmişik, xaricə köçdüyümüzə görə dəyərindən ucuz satırıq.

*Torpağın çıxarışı var
*Evin layihə sənədləri var İH ilə razılaşıdırıb.
İşıq və qaz məsələləri qanuna uyğun şəkildə həll olunub, hər ikisinin sayğacı quraşdırılıb. Ayrıca rabitə xətti düz evin qabağına kimi çəkilib, istənilən zaman qoşula bilər.
Evdə 6 otaq mövcuddur, (1-ci mərtəbə 2 otaq, 2 -ci mərtəbə - 4 otaq).
Evdə həmçinin texniki otaq, mətbəx, qarderob otağı və 3 sanitar qovşaq nəzərdə tutulub.
Ev beton bünövrə və kürsü üzərində inşa olunub, inşaat zamanı keyfiyyətli materiallardan istifadə olunub. Evin özülü, kürsüsü və şimala baxan divarları izolyasiya olunub.
Bu ev hava şəraiti nəzərə alınaraq bütün il boyu komfortlu yaşayış üçün inşa edilib. Evin bütün ərazisində isti döşəmə mövcuddur, kombi üçün ayrı yer tikilib.
Evin pəncərələri qoyulub, pəncərələr Abşeronun hava şəraitinə uyğun seçilib (böyük pəncərə özəl sifarişlə xüsusi şüşədən hazırlanıb).
Evin elektrika, santexnika, alçipan, suvaq (qara-ağ), fasad, döşəmə (keramoqranit), işləri görülüb, pəncərələrə mərmərlər quraşdırılıb, kondisionerlərin kanallarına kimi (təmirdən sonra heç yanı deşib dağıtmağa ehtiyac olmayacaq) çəkilib düzəldilib, paduqalar qoyulub.
Hamamlardan biri hazırdır.
Eyvanın qapısı qoyulub, bayır qapı qoyulub.
Video müşahidə sistemi və həyətin avtomatik işıqlandırılması quraşdırılıb.
Həyətdə iki avtomobillik, birbaşa küçəyə çıxan və hər birinin qapısı pultla və ayrı-ayrı açılan qarajı var, ayrıca olaraq pultla idarə olunan böyük darvazası və əlavə qapısı var.
Su təchizatı üçün, xüsusi sifarişlə hazırlanmış (qida üçün yararlı plastikdən) 3.5 tonluq su çəni quraşdırılıb.
Həyətində qədim, böyük əncir ağacları var, həmçinin bar verən üzüm meynələri var.
Bu ərazi yeni inkişaf edən ərazidir. Evə yaxın ərazində (10 dəqiqəlik yol) Landau məktəbi, 2 Bravo supermarket, Rahat market və kafelər restoranlar fəaliyyət göstərir. Hal hazırda dənizkənarı bulvar, klinika, yaxt klub, və böyük ticarət mərkəzinin inşası davam edir. Bu inşaatlar irəllilədikcə buradakı torpaqların və evlərin də qiyməti artır.
Evi alan insana təmir üçün bəzi materiallar həmçinin memarlıq-dizayn şirkəti tərəfindən hazırlanmış evin təmiri və həyətin tərtibatı layihəsi hədiyyə veriləcək (bir tək bunun qiyməti 3-4 min azn edir).