Bakının bu ərazilərində evlər bahalaşacaq – SƏRFƏLİ YATIRIM İMKANI

Bakı Metropoliteninin yeni stansiyalarının işə düşməsi paytaxtın ayrı-ayrı ərazilərində daşınmaz əmlakın da qiymətinə təsir edəcək. Fins.az-ın məlumatına görə, iyun ayında fəaliyyətə başlaması gözlənilən «Avtovağzal» metrostansiyasının açılması bu ətrafda, eləcə də əraziyə yaxın yerlərdə əmlakları bahalaşdıracaq.

«MBA Group» konsaltinq şirkətinin direktoru Nüsrət İbrahimov fins.az-a bildirib ki, «Avtovağzal» metro stansiyasının istifadəyə verilməsi ətraf ərazilərdə və Xırdalan, Sulutəpə istiqamətində mənzilləri bahalaşdıracaq.

Nüsrət İbrahimovun Fins.az-a verdiyi məlumata görə, yeni stansiyanın işə dşməsindən sonra Bakı Beynəlxalq Avtovağzalı ətrafındakı ərazilərdə və Xırdalan, Sulutəpə istiqamətindəki evlərin qiymətlərində 5-7% artım olacaq.

Bu ərazilərdə yerləşən kommersiya obyektləri isə stansiyanın işə düşməsi ilə 3-4% bahalaşacaq.

Amma ən böyük artım torpaq sahələrində baş verəcək. Belə ki, N.İbrahimovun sözlərinə görə, «Avtovağzal» stansiyanın işə düşməsi ətraf ərazilərdə torpaqların qiymətini 10-12% yüksəldəcək.

Ekspert bildirir ki, hazırda həmin ərazilərdə ev və torpaq sahəsi almaq alıcılar üçün sərfəli yatırım ola bilər.

Mənbə: Fins